بنتقابل ... شعر أحمد رحال
أرسم تفاصيل الفراق فوق الازاز
وابكى ع الناس العزاز
وأشوف نفسى كما صورة
مخنوقة فى البرواز
****************
كنا زمان متعودين
نفرح هنا
نرسم حياتنا لبعضنا
نزرع فى أرض الممكنات شجرة حنين
نسقيها بالحلم الجميل مش بالأنين
نفرح مع الصبح ال طالع حاضن سمار الشمس
ونبات مع الليل ال راجع جايب معاه الأمس
ننعس فى حضن الحلم فى حضن الشوق فى حضن الهمس
نسمع حكاوى بعضنا من غير ملل
نغزل فى توب الأمنيات من غير كلل
ونقيد شموع الفرح شمعة ورا شمعة
نحس الفرحة واخدانا
وحاضنانا فتنزل م العيون دمعة
لأن الوقت كان ضيق ومر أوام
ونروح ننام
ويادوب ننام
نلاقى نفسنا تانى مع الأحلام
بنتقابل
==================
ونتقابل
كأنك واقفة ادامى وبتقولى صباح الخير
وأصحى الصبح من بدرى
وأرد بأه من صدرى
واقول دا كتير
تقولى بجد تستاهل
أنا أستاهل ؟؟؟
يا قلب جميل مونسنى
أحس بكفك الدفيان بيلمسنى
ويحضنى ويهمسلى ويهمسنى
ويرسملى صباح دافى
برغم البرد ف ضلوعى وفى ايديه
تقولى خلاص ما انيش جايه
افوق م الحلم
ألاقى نفسى وحديه
وأصبر نفسى طول اليوم بأمنيه
وأقول جايز
ها نتقابل
بقلمى
أحمد رحال
جميلة
ردحذفأشكرك وأشكر حضورك همس
حذف