ذكريات ..... شعر أحمد رحال
رسالة حب مكتوبة بلون أخضر وخط جميل
لكن الحبر كان باهت
بيعكس نبض جوانا
وكام وردة فى كام كشكول
سطوره لسه دبلانة
وكام صورة ف كام برواز
مراية ازاز
عليها سطر من شِعرك
وتوكة شعر لساها عليها خصلة من شعرك
ودبلة كنتى سايباها عليها حرف من اسمى
وشال وردى بلون خدك
وعلبة قطيفة جواها
هدية كنتى جايباها
وسايباها ... ما سابتنى
وتعبتنى ليالى كتيرة وياها
ودايما تيجى تسألنى ؟؟؟؟؟
بـ أحس بأيه
ها اقولك أيه !
أدى الوحدة
دى أكتر حاجة سبتيها ( بتقتلنى (
بقلمى أحمد رحال
ليست هناك تعليقات:
إرسال تعليق