قصيدة تعيش الضحكة ف عنيكى
ترقص مشاعرى من الفرح
أول ما تلمح كلمتك
يخضر ليلى ببسمتك
وبصحبتك
وبرقتك
جمال روحك مجملنى
حروفك لما تتشبك
تكملنى
ولما اسكت تكلمنى
بيألمنى
أحس بحزن جواكى
ويألمنى
أعيش صمتك
وانا معاكى
ويألمنى
أحس بحيرة وخداكى
يا أصدق صدق صدقته
وأجمل حرف كلمنى وكلمته
وأروع حس غيرنى
وأطيب قلب صبرنى
وأجمل دعوة قلتيها بظهر الغيب
ترش الطيب
فعيزك يوم مانتقابل
ملامحك تبتسم علطول
وعيزك يوم ما نتكلم
حروفك تبتدى وتقول
وعايزك ما تسبيش نفسك
لحالة حزن أو ضيقة
بريئة زى ما عرفتك
رقيقة زى ما شوفتك
جميلة فى كل حالاتك
وفى الآخر
يحفظك ربى
تكونى شمعة بتنور على دربى
تعيش الضحكة فى عنيكى
ودايما ساكنة فى قلبى
شعر أحمد رحال
ليست هناك تعليقات:
إرسال تعليق